有可能達成的叫夢想...冇可能的叫~~妄想

在動畫這個範籌工作了差不多十年... 每次同人講話夢想或者入行的原因...
我總會說小時看著中午的卡通...心中總會問...點解只有日本的卡通...點解冇香港畫o既...
所以有小時候見到有七彩老父子已經好開心...
亦都因為呢個諗法...成為了我進入動畫呢個行業的原因...
起初搵一份全動畫的工作也不易...但最後機緣下入左意馬(即使佢好傳奇,但行外未聽過都唔奇)
一做就8年...做到佢第一次執(係清盤..唔係有好多人有機會睇過公司清盤)...
呢間400 人大公司執左之後...不少同事分別去國內...台灣...新加坡...繼續動畫工作...
而小弟就留左係香港...同幾個同事攪公司...
原因? 今次唔講住...係我下一篇網誌再講...
只係漂泊左兩年...呢幾日係度問自己...點解咁硬頸...係都要留係香港...
就係因為自小的妄想...
如果我離香港...所做得一切...都好似冇乜意思...
三十年人...身邊乜都冇...好在都仲畫到兩筆...氹下自己開心...
識畫畫...同寫小說一樣...就係可以將自己由呢個世界的配角...變成主角...
近排打機戰...突然好想有一架機械人...係冇錯...機械...比起要車要樓更冇可能...

你地恨唔到咁多喇...

去吧香港特區...皇版機師...